வீரவணக்கம்

.          =============
.               🙏 🙏 🙏
.          =============

கரை தழுவும் தென் கடலின்
திரை முழுதும் உங்கள் முகம்.

மரணத்தின் எதிரிருந்து விருந்துண்ட மாவீரர்கள் நீங்கள்.

புறநானூறு சுமந்த ஓலைகள்
புறமீன்றப் புலிக்குட்டிகள் நீங்கள்

பகைவருக்கும் சோறளித்தப்
பண்பாட்டின் பெரு விளைச்சல் நீங்கள்.

பெண்ணும் முதியோரும்
பேணிச்சிறந்தப்

போர்நெறியின் பிள்ளைகள்

நீங்கள்.

மனிதத்தை நேசிக்கும் காலம்
மறுபடி
உங்களை உயிர்ப்பிக்கும்.

அன்று;

எல்லா மொழிகளிலும்
பெயர்த்து எழுதப்படும்
'தமிழன் என்றொரு
இனமுண்டு
தனியே அவர்க்கொரு குணமுண்டு'
என்றத் தமிழ் வரிகள்.

🙏🙏🙏🙏🙏🙏🙏🙏

==========================
திருச்சிராப்பள்ளி ப.மாதேவன்
27-11-2023
===========================