Saturday 15 June 2019

என்னில் எனக்கு...


என் வாழ்க்கை,
பிறரது மதிப்பீடுகள் என்றால்;
என்னால்
மாறிக்கொண்டே இருக்க முடியாது.
என்னுடையதும் இல்லை.
எனக்கெதற்கு என்னைப்பற்றிய
மதிப்பீடுகள்.
நிலவு நான்...
மூன்றாம்பிறை என நினைத்தால்
காத்திருந்து காணுங்கள்.
முழுநிலவானால் மகிழ்ந்து
கொண்டாடுங்கள்.
மறைநிலவென்றால் கரித்துக்
கொட்டுங்கள்.
கறையைப் பாரென்று
கைகொட்டிச் சிரியுங்கள்.
ஔவைப் பாட்டியென
ஆனந்தம் கொள்ளுங்கள்.
என்னில் எனக்கு
இவையாவும் இல்லை.
எனக்கெதிரே
பூமிதான் சுற்றிக்கொண்டிருக்கிறது.



No comments:

Post a Comment

தங்கள் கருத்துகளைப் பதிவிடுங்கள்