உறிப்பானை உன்னித்தொட்ட மறுநாள் தொடங்கி
முலைப்பால் மறந்தோடும் மதலை போல
அறவாளன் பெருந்தலைவன் அடலேறு சிதம்பரனார்
நிலைச்செரு வறிந்த பின்னே நில்லாது
அறிந்தோர் அறியாதோர் தெரிந்தோர் தெரியாதோர்
மலைக்கும் வினாக்களொடு ஊர் திரிந்து
பறித்தெடுத்தப் பூக்களெலாம் பலரும் கொள்ள
அலைந்து திரியும் அலந்தலை மறந்து
செறிவுறு சொற்களால் நிறைவுறப் பேசி
உலைப்பாடு கொண்டு ஆங்கிலேயர் அஞ்சித்
தெறித்திட வாழ்ந்தத் திருமகன் வஉசி
மலைக்காது செய்த மாப்போர் உரைக்கும்
அறிவுறு ரெங்கையா முருகன் வாழி!
மலையுரசும் கதிரவனும் ஒளிரு மாறே.
No comments:
Post a Comment
தங்கள் கருத்துகளைப் பதிவிடுங்கள்